ROTARE Arma

ROTARE Arma
apud Auctorem Panegyrici ad Pisonem;
Arma tuis etiam si forte rotare lacertis,
Inque gradum clausis libuit consistere membris;
Et vitare simul, simul et captare petentem:
Vegetio est, Scutum rotare, l. 2. c. 14. Praeterea, sicut Centurio eligendus est, qui sit magnis viribus, et procerâ staturâ, qui hastas vel missilia perite iaculetur et fortiter, qui dimicare gladiô et scutum rotare doctissime noverit, qui omnem artem didicerit armaturae; alibi Arma tractare, apud Spartianum et Senecam. Quibus intelligitur id exercitii genus, quod Armatura dictum est, de quo egimus suô locô. At rotare caput, apud Lucanum de caede Pompeii, l. 8. v. 672.
Tunc nervos venasque secat, nodosaque frangit
Ossa diu; nondum artis erat caput ense rotare:
est unô ictu decutere. Cuiusmodi rotatio haud dubie intelligitur in artificio decollandi, apud Sueton. Caligulâ, c. 32. uti Casaubono notatum. Aliter vero dicuntur Vates Gentilium caput rotare, apud Hieronymum in Epitaph. Paul. Alios rotare caput varium oraculis. Et simpliciter rotare, apud prudentium,
Furere ac rotare ius putatur mysticum.
Item rotari, apud Minucium Felic. Hi sunt et furentes, quos in publicum videtis excurrere, vates et ipsi absque templo, sic insaniunt, sic bacchantur, sic rotantur. Nempe quia caput rotabant, h. e. ut Ulpianus interpretatur, iactabant. Τὴν κεφαλὴν περιδινεῖν vocat Chrysostomus, Orat. 1. de Regno; τὴν κεφαλὴν κάτωθεν ἐκ τοῦ αὐχένος ἑλίςςειν, Lucian. Asinô. Capillos rotare, de Gallis Cybeles, dicit Apuleius, Miles. 8. Diique capite demissô cervis lubricis intorquentes motibus, trinesque pendulos rotantes in circulum. Sed et colla rotare dicitur, apud Statium, l. 4. Sylv. 3. v. 121. in via Domitiani, Sibylla,
En et colla rotat; novisque late
Bacchatur spatiis ——
Ut nempe vaticinaturam intelligas. De cuiusmodi Numine afflatis eorumque gestibus, vide Virg. Aen. l. 6. Lucanum, l. itidem 6. Ruffinum, Histor. Eccl l. 2. c. 4. Ioh. Meursium, initiô Commentar in Lycophronis Cassandram, Alios, et hîc passim.

Hofmann J. Lexicon universale. 1698.

Look at other dictionaries:

  • ARMIS ludere — apud Vulcatium Gallican. in Avidio Cassio, c. 6. Excrcitium septimi diei fuit omnium militum, ita ut et sagitt as mitterent et armis luderent: dicebantur Casaubono, qui se armis exercerent, unde et dies ille, quô id fiebat, armiludium; sicut… …   Hofmann J. Lexicon universale

  • SCUTI Jactatio — non Principum solum exercitium fuit, sed militum omnium, qui in armaturae exercitio hoc primum discebant, quomodo tractandum et iactandum esset scutum. Graeci σείειν ἀσπίδα et ἀσπίδα νωμᾶν, item δινεῖν dicebant, uti patet ex Aeschylo Trag. ἑπτὰ… …   Hofmann J. Lexicon universale

  • GLADIUS — insigne apud Romanos Magistratus, publicum iudicium exercentis, quemadmodum hasta Praetoris, privatim iudicium obeuntis, fuit: Merum enim imperium est, habere Gladii potestatem, ad animad vertendum in homines facinorosos. Ioh. Rosin. Antiqq. Rom …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.